‘చిన్న తప్పుదొర్లినా.. ధోనీ స్థానాన్ని భర్తీ చేయలేవంటారు’

“నేను ఐపీఎల్​తో పాటు కర్ణాటకకు ఆడే సమయంలోనూ వికెట్ కీపింగ్ చేస్తున్నా. కీపింగ్​ బాధ్యతలు చేపట్టేందుకు ఎప్పుడూ సిద్ధంగా ఉంటా. అయితే టీమ్​ఇండియా కోసం వికెట్ కీపింగ్ చేస్తున్నప్పుడు కాస్త టెన్షన్​గా ఉంటుంది. ఎందుకంటే ఒక్కసారి బంతిని పట్టడంలో తడబడినా.. నువ్వు ధోనీ స్థానాన్ని భర్తీ చేయలేవన్నట్టు ప్రజలు ఫీలవుతారు. దిగ్గజ వికెట్ కీపర్​ ధోనీ స్థానాన్ని భర్తీ చేయడం ఎంతో ఒత్తిడితో కూడుకున్నది. వికెట్ల వెనుక ప్రస్తుతం మహీ తప్ప ఎవరు ఉన్నా ప్రజలు పూర్తిగా అంగీకరించే పరిస్థితి లేదు” అని కేఎల్ రాహుల్ చెప్పాడు. ఈ ఏడాది జరిగే టీ20 ప్రపంచకప్ కోసం భారత జట్టు ఎంపిక చేయడంలో ఐపీఎల్​లో ప్రదర్శన కూడా  కీలకమయ్యే అవకాశం ఉందని రాహుల్ అభిప్రాయపడ్డాడు. కాగా కరోనా వైరస్ కారణంగా ఈ ఏడాది ఐపీఎల్ నిరవధికంగా వాయిదా పడిన సంగతి తెలిసిందే.